Le libro de cocina plus ancian del mundo es conservate in le prestigiose universitate de Yale: illo remonta 3700 annos retro e es scribite sur tres parve tabulas de argilla que contine 25 receptas, 21 a base de carne e 4 de verdura, describite con abundantia de particulares. Le receptas es scribite in le lingua del Accades, population qui conquireva tote le citates sumerian con unificar le Mesopotamia sub su dominio.
Initialmente on reteneva que iste tabulas contineva receptas pharmaceutic, mais le studio del grande orientalista francese de origines italian Jean Bottéro portava al discoperta sensational que illos es, in realitate, un tractato de gastronomia, presentemente le plus antique del historia del humanitate.
Hodie iste parve tabulas es cognoscite con le nomine de Tabulas Culinari de Yale. Le stylo del receptas es particular: il sembla que illos esseva instructiones que un sacerdote ancian imparte a un altere sacerdote. Ecce alcun passages del recepta del Suppa de Pipion accadic:
Hodie iste parve tabulas es cognoscite con le nomine de Tabulas Culinari de Yale. Le stylo del receptas es particular: il sembla que illos esseva instructiones que un sacerdote ancian imparte a un altere sacerdote. Ecce alcun passages del recepta del Suppa de Pipion accadic:
"Tu sacrifica le pipion. Postea, dum tu face caler le aqua, tu lo displuma. Post que tu lo ha displumato tu lo lava in aqua frigide; ego [interea] excoria le collo [con lassar le carne adherente] a su corpore; tu seca via le collo e le ossos ex le flancos; ego lo aperi in le ventre basse e extrahe de illo ventrilio e entranias;......"
"Quando illo es cocite, tu fulla del porro, allio, andahshu [un alliacea] e kisimmu [un derivato del lacte fermentate], e [los] exprime. Si il non es del kisimmu, tu fulla del bàru [un cereal], lo exprime e [lo] effundi [ibi]."
